DICIOTTO

PRIMITIVO ROSSO SALENTO IGT
Primitivo-þrúga af 85 ára gömlum vínvið.

Fornar hefðir frá Puglia-héraði. Flauelsmjúkt og alltumlykjandi.

Diciotto-vínið er unnið úr 85 ára gömlum vínvið, þeim elsta á vínekrum Schola Sarmenti, eftir fornum hefðum og aðferðum sem gengið hafa frá kynslóð til kynslóðar í Puglia-héraðinu. Þar af leiðir að ár hvert er vínið aðeins fáanlegt í takmörkuðu upplagi.

Vínið er úr Primitivo-þrúgunni, einkar þétt og kröftugt, en á sama tíma flauelsmjúkt í munni. Dökkrúbínrautt, með keim af dökkum berjum, eik, kryddi og reyk, súkkulaði og kaffi. Eitt magnaðasta vín sem hefur komið frá Ítalíu, nokkuð sem allir ættu að fá að bragða á lífsleiðinni.